mancomun.org - Iniciativa galega polo Software Libre

<http://www.mancomun.org> pretende ser o punto de encontro das diferentes iniciativas sobre Software Libre que se están desenvolvendo dende os diferentes ámbitos: institucional, empresarial, educativo, voluntariado, etc. Os eixos principais de mancomun.org están baseados nun modelo de traballo colaborativo, compartido, aberto e estandarizado, público, transparente e de calidade. Os principais obxectivos da iniciativa son:   1. Facilitar o desenvolvemento industrial e innovador da PEME do sector TIC en Galicia.   2. Achegar a Sociedade da Información e o Coñecemento á sociedade galega.   3. Potenciar o uso de aplicacións informáticas na nosa lingua.   4. Impulsar a utilización de estándares abertos para acadar a independencia tecnolóxica.